شاهد بالفيديو

بالفيديو|| السيسي يتجول فجراً على دراجة هوائية ويمازح مجنداً من حراسه

نشرت وسائل إعلام مصرية، اليوم الخميس، فيديو مصور يظهر الرئيس، عبدالفتاح السيسي، وهو يجري جولة مستقلًا دراجة هوائية، في مدينة العلمين الجديدة، فجر ثالث أيام عيد الأضحى المبارك، ويخاطب أحد حراسه.

السيسي على دراجة هوائية

وذكرت أنه دار حواراً بين السيسي وأحد المجندين المرافقين له، حيث مازحه الرئيس قائلًا: “خليك دغري يا أيمن، المنايفة دول أنا عارفهم كويس، خاصة بتوع أشمون، وقولي عايز إيه؟”.

وبدوره رد العسكري قائلًا: “أنا والدي من المنوفية ومولود هناك، بس أنا مولود في العامرية بالإسكندرية، وعندي 29 سنة وعندي مكتبة مأجرها”.

وأضاف العسكري: “بس أنا عايز شغل، لما أخلص خدمتي وجيشي السنة اللي جاية اشتغل في عمل ثابت”.

ورد الرئيس السيسي على طلب المجند الشاب بقوله: “إنت لسة صغير، وإن شاء الله تخلص الجيش في شهر أبريل/ نيسان”.

وتابع السيسي حديثه بطرح سؤال جديد على العسكري: “لو المكتبة اللي عندك دي عايز تاخد واحدة أكبر منها تبقي بكام في الشهر؟”.

فأجاب: “هيبقى إيجارها حوالي 3 آلاف جنيه في الشهر يا ريس، بس هتبقى في مكان كويس، وتكسب أكتر لأن المكتبة اللي أنا واخدها دلوقتي دي بـ300 جنيه في الشهر، والناس الكبار اللي جنبي مبيخلوش الصغير يكبر”.

اقرأ أيضاً : السيسي والبائع المتجول.. مصادفة تغير حياة إنسان

نصائح السيسي للعسكري

وتعقيباً على ذلك رد السيسي بالقول: “عيب هزعل منك، وأقولك أنا أطحن نفسي ومكلش ومنمش ولا حد يغلبني أبداً وأبقى جامد وقوي”، مضيفاً “العيل بيتجاب له أكل وشرب بس ولا كل حاجة على بعضها من تعليم وأكل وشرب وتواصل عشان يطلع متربي كويس أو متربية كويس، إزاي أعمل ده وأنا مشغول في شغلي، الأم طبعاً بتعمل شغل البيت، وتقدر توفر ده إزاي، أنك تجيب أو متجيبش، بقولك عشان متقولش الظروف صعبة”.

واختتم السيسي حديثه مع العسكري الشاب بتهنئته بعيد الأضحى قائلًا: “كل سنة وأنت طيب يا أيمن، سلملي على والدك”، موجهًا بأخذ بياناته.

وانتشر الفيديو بشكل كبير على وسائل التواصل الاجتماعي، حيث أسعد ظهور السيسي بهذا الشكل التلقائي والبسيط المتابعين على منصات التواصل.

ويذكر أنها ليست المرة الأولى التي يظهر فيها السيسي في شوارع مصر بهذه الطريقة، فقد سبق وتداول رواد مواقع التواصل فيديو للرئيس المصري يتجول على الباعة البسطاء ويتوقف لدى بائع في الشارع ويتحاور معه ويسأل عن أحواله.

بالفيديو|| السيسي يتجول فجراً على دراجة هوائية ويمازح مجنداً من حراسه
بالفيديو|| السيسي يتجول فجراً على دراجة هوائية ويمازح مجنداً من حراسه

اقرأ أيضاً : بالفيديو|| السيسي يفتح أحدث القواعد العسكرية المصرية على البحر المتوسط

مقالات ذات صلة

زر الذهاب إلى الأعلى