حازم إمام يتصدر محركات البحث بعد الإفصاح عن تفاصيل قصة حب مثيرة جمعته بزوجته
تصدر اسم، حازم إمام، لاعب نادي الزمالك السابق، وعضو مجلس النواب مواقع التواصل الاجتماعي، اليوم الثلاثاء، بعد أن كشف عن أكثر ما يعجبه فى زوجته، مستعيداً ذكريات زفافه وأبرز الحضور فى الحفل من الفنانين والجماهير.
زفاف أسطوري للاعب حازم إمام
ظهر، حازم إمام، وزوجته مع إسعاد يونس فى برنامج “صاحبة السعادة” وقال: “الفنان الراحل عامر منيب والفنان عمرو دياب والفنان محمد حماقي قاموا بإحياء فرحي، والشاعر أيمن بهجت قمر كتب أغنية لي ولزوجتي قام محمد حماقي بغنائها في الفرح، وأنا وأيمن أصحاب منذ الطفولة وحماقي كنت بقابله كتير معاه”.
وتابع: “كوبري قصر النيل كان زحمة جداً يوم فرحي؛ بسبب تواجد عدد كبير من جمهور نادي الزمالك ورفعوا أعلام ولافتات نادي الزمالك لتحيتي في فرحي”.
اقرأ أيضاً:متحرش الأطفال.. يشعل غضب المصريين على وسائل التواصل الاجتماعي وأصوات كثيرة تدعو لمحاسبته
و تحدث عن توافقه مع زوجته قائلاً: “دماغ زوجتي قريبة من دماغي، بتحب الخروجات أوي، ومش زنانة علشان أنا مبحبش الست الزنانة وطيبة جداً وأنا بحب الناس اللي بتريحني، وأنا لقيتها من النوع ده من أول يوم بيننا”.
وعن عشقه للرياضة قال: “مينفعش أنام من غير ما أشوف كل الماتشات اللي فاتتنى في اليوم، وأنا فى السرير لكى أكون ملم بكل شىء، خصوصا أنى بطلع أتكلم فى الكرة، وعندى برنامج على الراديو، وهو ما يغضب قدرية زوجتى جدا اللى بتحب تنام على طول ودى أزمة كل يوم، وأفضل فترة كنت مرتاح فيها أنا وهى لما جالى كورونا كان كل واحد فى أوضة لوحده وهى نامت براحتها وأنا نمت براحتى على طريقتى”.
تفاعل المتابعين
تفاعل رواد مواقع التواصل الاجتماعي مع مقابلة حازم إمام وزوجته في برنامج صاحبة السعادة بشكل كبير وانتقد البعض حازم بينما أبدا كثيرون إعجابهم بلاعب الزمالك السابق.
قال حساب، مؤمن”حازم إمام وعيلته من ألطف الحاجات اللي شوفتها في برنامج صاحبة السعادة بجد”.
حازم امام وعيلته من الطف الحاجات اللي شوفتها في برنامج صاحبة السعاده بجد ♥️
— MO'MEN (@momen456655) March 30, 2021
وكتب حساب، هنا الزمالك: “الزمالك مليان مشاكل ولجنة بتخرب فيه كل لحظة وبقا مشاكله مشاع للجميع وكل زملكاوي فايده حاجة بيعملها، حازم إمام عمل حلقة مع إسعاد يونس في صاحبة السعادة يضحك ويرقص ومافيش أي مشاكل المهم هاخد كام”.
الزمالك مليان مشاكل ولجنه بتخرب فيه كل لحظه وبقا مشاكله مُشاع للجميع وكل زملكاوى فايدة حاجه بيعملها
حازم امام عمل حلقه مع إسعاد يونس فى صاحبه السعادة يضحك ويرقص ومفيش اى مشاكل المهم هاخد كام
واحد مخدمش الزمالك لحظه من بعد ما اعتزل تقريباً لازم تجيبه يقبض عشان يخدم pic.twitter.com/0S4V9U2SNq
— اخبار الزمالك (@ZSC_INSIDER) March 30, 2021
وكتبت ندى: “أنا عايزة أتجوز واحد زي حازم إمام كده”.
انا عايزه اتجوز واحد زي حازم امام كده😂❤️❤️❤️❤️
— Nada mostafa (@nadamostafa124) March 30, 2021
وأضافت الدكتورة، عبير مصطفى صوراً علقت عليها بالقول: “تويتة في حب حازم إمام”.
تويتة في حب حازم امام. https://t.co/cZxovla2Tb
— Dr Abeer moustafa (@drbero2000) March 30, 2021
وأضاف حساب، أحمد تعليقاً ساخراً قال فيه: “إسعاد يونس في صاحبة السعادة جابت حازم إمام وبناته وأكلتهم فتة وكوارع وبامية وكشك، احنا مش بنروح البرامج دي ليه”.
إسعاد يونس في صاحبه السعادة جابت حازم إمام وبناته واكلتهم فته وكوارع وباميه وكشك 😀
احنا مش بنروح البرامج دي ليه
— Ahmed 🇵🇸 (@hiih_14) March 30, 2021
وغرد حساب، عبد الونيس قائلاً: “حازم حمادة إمام طول عمرك لاعب محترم زملكاوي حتى النخاع وفاهم كورة”.
حازم حماده إمام طول عمرك لاعب محترم. زملكاوي حتى النخاع وفاهم كوره
— Abdelwanees (@Abdelwanees4) March 30, 2021
قصة زواج حازم إمام من قدرية
ومن جانبها، كشفت قدرية داوود، زوجة حازم إمام عن كواليس معرفتها بنجم الزمالك السابق وموقفها من تفاعل الجمهور مع زوجها والتصوير معه أثناء وجودها، وقالت قدرية داوود: “تعرفت على حازم إمام عن طريق ملجأ في المعادي، كنا محتاجين نجيب نجم يحضر حفلة للملجأ وتحدثنا بالتليفون ثم تقابلنا صدفة في المهندسين، وهو كان لسه مخلص تمرين وشكله كان غريب، وبعد كده اتقابلنا كتير”.
اقرأ أيضاً: بالفيديو|| رانيا يوسف ترقص فرحاً بفوز النادي الأهلي على الزمالك بنهائي إفريقيا
وأوضحت زوجة حازم إمام “لما اتفقنا على أنه يكلم بابا فكلمت والدى علشان أخد معاد لحازم فقالي خليه ييجي بكرة فقلت له لا مش هينفع بكرة لأنه عنده معسكر مش هيخرج منه، ولما اتفقنا راح يقابل بابا في مكتبه، وقبل ما يطلع العمارة النور قطع فضل تحت العمارة لحد ما النور جه وطلع، فوالدي كلمني وقالي دا جايلي لابس صابو، فكلمت
حازم بعد ما قفلت مع أبويا فقالي أنه مصاب بقدمه، وأنا من النوع اللي بيتفائل وبيتشائم، لكن ربنا ستر واتفقوا على موعد وتمت الخطبة”.