أكد الرئيس عبد الفتاح السيسي أن تجاوز مشكلة الدولار في مصر يكون من خلال الاعتماد على المنتج المحلي.
وقال السيسي، خلال افتتاح المرحلة الأولى من موسم الحصاد بمشروع مستقبل للتنمية المستدامة: "لو عاوزين تتجاوزوا أزمة الدولار في مصر لازم تخلوا المنتج المحلي ضخم جدا لتحقيق الاكتفاء الذاتي وتصدير الباقي إلى الخارج". وأشار السيسي إلى أن إن عدد سكان مصر يبلغ 106 ملايين نسمة بالإضافة الى ضيوف مصر ووصل عددهم إلى 9 ملايين.وأضاف: "لما نتكلم على 4 ملايين فدان، تقريبا الدلتا 2 مليون فدان يعني 3 أو 4 محافظات كبار، زي البحيرة اللي فيها زراعات ضخمة، 2 مليون فدان رقم ضخم، عشان كده كان لا بد بنيته الأساسية عشان أولا يتعمل تخطيط وتنفيذ مركزي، مقدرش أقول لحد أنت تزرع 50 ألف فدان طب أعمل لك محطة رفع واحدة، بعد ما نعمل ده كله، بقول للمستثمرين المياه بالنسبة لنا تحدي كبير، كل نقطة مياه درجة ملوحتها مناسبة لكل زراعة خسارة عليا لما تهدر مني في زراعات أقدر ازرعها بحجم مياه أقل". ولفت الرئيس المصري إلى أن عمل الصوامع تم عرضه على الدولة، ولكن كان طلبه أن تكون بالجنيه المصري، وليس الدولار، وبالفعل تم عمل صوامع لكي تحافظ على 500 ألف طن.#السيسي يكشف عن طريقة حل مشكلة #الدولار في #مصر#العربية_Businesspic.twitter.com/3HSjb5ulCU
— العربية Business - مصر (@AlArabiyaBN_EG) May 13, 2024
